Hvað er lífsveiflutækni?

Bioresonance Therapy – Lífómun eða lífsveiflutækni.

Lífsveiflutækni eða Bioresonance Therapy er meðferðarfræði sem grundvallast á notkun bylgna, hljóð, raf eða ljósbylgna. Náttúran hefur sínar bylgjur og er sólin öflugasta Bioresonance miðillinn. Frá sólinni koma rafbylgjur á öllum tíðnisviðum. Hærri tíðnir rafbylgna eins og sýnilegt ljós hefur áhrif á hormónastarfsemina og útfjólubláir geislar sólarinnar kalla fram viðbrögð í húð manna sem veldur litabreytingu og myndun D vítamíns. Orðið Bioresonance þýðir líf-sveifla með skírskotun til þess að raf,- hljóð,- eða ljósbylgjur geta haft heilandi áhrif á líffræði manna, dýra og plantna. Sveifla eða resonance er fyrirbæri sem flestir kannast við. Dæmi um sveiflun er til dæmis þegar syngur í kristalsglasi. Brún glassins er strokin rólega og við það syngur glasið með háum són. Tónkvísl er gott dæmi um sveiflun. Kvíslinni er slegið í eitthvað og syngur þá kvíslin um tíma. Svona sjálfsveiflun deyr út ef hvatinn er ekki til staðar.

Róla er líka gott dæmi um sveiflun. Ef rólu er haldið uppi og sleppt þá sveiflar hún niður og tregðulögmálið veldur því að hún heldur áfram og sveiflast upp hinumegin. Þessi sveifla endurtekur sig nokkrum sinnum þar til hún hefur náð kyrrstöðu. Tíðni sveiflunnar markast af því hve margar sveiflur rólan fer á sekúndu. Rólan er líkleg til að sveiflast á 0,5 riðum þar sem hún fer hálfa sveiflu á sekúndu og heila á tveimur sekúndum. Venja er að tákna sveiflutíðni með hugtakinu Hertz sem stendur fyrir sveiflu eða rið. Kristalglasið sveiflar á mun hærri tíðni og er ekki ólíklegt að meðal kristalsglas sveiflist á 900Hz – 2000Hz. Rafbylgjur geta myndað sveiflutíðnir og er það til dæmis grundvöllur allra þráðlausra fjarskipta. Sveiflutíðni langbylgju er nálægt 100.000Hz og FM útvarp er nálægt 100.000.000Hz og þráðlaus stafræn fjarskipti gjarnan nálægt 2.300.000.000Hz.

Það hefur líklega verið í árdaga rafmagnsins þegar einhverjum datt í hug að búa til raftæki sem framleiddi sveiflur af mismunandi tíðnisviðum til heilunar (sjá mynd). Engum sögum fer af virkni þess þó en í árdaga rafmagnsins þótti það búa yfir leyndardómi sem gæti læknað fólk.

Fyrir um 35 árum birti verkfræðingurinn Paul Schmidt niðurstöður úr rannsóknum á áhrifum mismunandi tíðna á líkama manna og dýra. Hann sýndi fram á að vissar tíðnir höfðu áhrif á líffæri og lífkerfi og hóf að flokka og greina eftir virkni. Þetta þróaðist í heilsteypt kerfi sem reyndist hægt að nota til heilunar og jafnvel lækningar á ýmsum kvillum. Paul stofnaði fyrirtækið Rayonex og hóf að framleiða búnað til greininga og meðferða. Sigurgangan er óslitin. Naturþerapistar nota þessa tækni mikið í Þýskalandi en einnig læknar sem hafa tileinkað sér heildræna nálgun í lækningum. Tækin eru seld í yfir 40 löndum og er gríðarlegur markaður í Japan og Kína.

Rayonex Analyzis and Harmonizing system er nýjasta byltingin í Rayonex tækninni og býður kerfið upp á endalausa möguleika tíðnisamsetninga til að koma af stað heilun í líkama manna og dýra. Þetta kerfi er í daglegu tali kallað RAH. Líkamanum er skipt upp í orkukerfi, líffæri og lífkerfi og er hægt að velja tíðnifylki fyrir nánast hvað sem er. Til dæmis er stoðkerfi líkamans greint upp í marga þætti sem hægt er að nota til greininga en einnig meðferða og síðan eru samsett forrit til að meðhöndla marga þekkta sjúkdóma. Myndirnar sýna brot úr síðuyfirliti ýmissa kerfa fyrir vöðva, blóðrás og fleira. RAH Compendum er bók upp á tæplega 1000 blaðsíður sem sýnir vel umfangið.

Meðferð er í sjálfu sér einföld. Meðferðarþegi sest í þar til gert teppi eða stól og lætur fara vel um sig. Á meðan skannar meðferðaraðili tíðnirófi líkamans og leggur upp meðferð samhliða samtali.

Þegar meðferð er ákvörðuð er það út frá sögu og mælingu og er þá lögð upp 50 mínútna meðferð í eitt eða fleiri skipti til að vinna bug á þeim kvilla sem unnið er með.

Rayonex fékk styrk frá Þýska ríkinu til að þróa mælitækni sem gerði kleift að tíðnigreina líkamann í gegn um hjartalínurita.

Settir eru mælipúðar á tiltekna staði á líkamanum og þeir tengdir við tækið. Forritið tekur um 15 mínútur í að lesa líkamann og eftir stendur tíðnigraf sem sýnir veikleika í tíðnirófi líkamans.

Síðan er lesið úr þeim tíðnum sem koma fram og fengin fram tenging við líffæri eða lífkerfi. RAH kerfið gagnast vel því það hefur yfirlit yfir flest alla þætti líkamans. Samanburður tíðna við RAH kerfið er flókið verk og fer tölvan í gegn um tug milljóna reikniferla áður en útkoma kemur fram. Þetta tekur þó ekki nema rétt um 5 – 10 sekúndur í nýjustu tækjunum.

Með þessum hætti er hægt að ákvarða meðferð.

Síðasta grafið sýnir tíðnifrávikin frá  0 – 99.99 og sýnir jafnframt hvernig meðferð þarf fyrir hverja tíðni. Það er talað um plús örvun eða mínus örvun og með því móti fæst árangur mun skjótar.

Meðf erðin